ԶԻՆՎՈՐԻ ՈՒԺԸ․․․

20․02․2025թ․ Գյումրու թիվ 4 արհեստագործական պետական ուսումնարանի և «Ընտանիք» ՄՊՍԿ-ի հետ համատեղ կազմակերպվեց շախմատի բլից մրցաշար/շրջանային կարգով/։ Մրցաշարին մասնակցեցին նաև Գյումրու թիվ 3 արհեստագործական պետական ուսումնարանի ուսանողները։
Մրցաշարը վարեց գյումրեցի շախմատիստ Լյովա Դավթյանը, ով ունի մարզական առաջին կարգ և մրցավարի առաջին կարգի որակավորում։ Որպես մարզիկ գրանցել է մի շարք հաջողություններ, այդ թվում հանդիսանում է դպրոցականների թիմային աշխարհի առաջնության չեմպիոն, ազգային և միջազգային բազմաթիվ մրցաշարերի մրցանակակիր։ Նա հեղինակել է երեք շախմատային գրքեր՝ «Լուռ արքան», «Սկզբնախաղ կարգային շախմատիստների համար», «2-րդ դասարանի դասագիրք»։
Մրցաշարի անցկացումը նպատակ ուներ զարգացնել խաղացողի տրամաբանական մտածողությունը, ստրատեգիական քայլերի ճիշտ պլանավորումը, խթանել հետաքրքրություն շախմատի նկատմամբ, ձևավորել տարբեր իրավիճակներում արագ կողմնորոշվելու, որոշումներ կայացնելու ունակություններ և հաղթանակելու ձգտում։
Խաղի 30 /երեսուն/ մասնակիցները, շնորհիվ տակտիկական ճշգրիտ գործողությունների, կարողացան գրագետ և հնարամտորեն խաղալ շախմատ։
Խաղի արդյունքում պատվավոր տեղեր զբաղեցրին հետևյալ մասնակիցները։
Մրցաշարի արդյունքում պատվավոր տեղեր զբաղեցրած մասնակիցները պարգևատրվեցին պատվոգրերով․
«Ընտանիք» ՄՊՍ կենտրոնի շախմատի խմբակի սաներ․
I տեղ-Գագիկ Այվազյան
II տեղ-Հենրիկ Սարգսյան
Գյումրու թիվ 4 արհեստագործական պետական ուսումնարանի «Վերականգնվող էներգիայի էներգետիկ կայանների մոնտաժում, նորոգում և սպասարկում» մասնագիտության առաջին կուրսի ուսանող․
III տեղ-Լյովա Աղանյան
Գագիկ Այվազյանին խաղավարը նվիրեց իր հեղինակած «Սկզբնախաղ կարգային շախմատիստների համար» գիրքը։
Մրցավարը, մրցույթը բարձր մակարդակով և անկողմնապահ անցկացնելու համար, պարգևատրվեց շնորհակալագրով։