Ուսումնական հաստատության Կառավարման Խորհուրդը գործում է որպես բարձրագույն և վերահսկողություն իրականացնող մարմին:

Ըստ նախնական (արհեստագործական) մասնագիտական և միջին մասնագիտական պետական ուսումնական հաստատության կոլեգիալ կառավարման խորհրդի ձևավորման կարգի` Խորհուրդը կազմվում է ներքին և արտաքին 11 շահառուներից՝  հաստատության մանկավարժական և ուսանողական կազմի, սոցիալական գործընկերների, հիմնադրի, կրթության պետական կառավարման լիազորված մարմնի (այսուհետ՝ լիազոր մարմին) կողմից առաջադրված ներկայացուցիչներից։ 

Կառավարման մարմնի կազմից փակ գաղտնի քվեարկությամբ ընտրվում է կառավարման խորհրդի նախագահ, բացառությամբ ուսանողական և մանկավարժական կազմի ներկայացուցիչների։

 Խորհրդի աշխատանքներն իրականացվում են ըստ աշխատանքային պլանի՝ հաշվի առնելով հաստատության ռեսուրսներն ու զարգացման ծրագիրը: Խորհուրդն օրենքով իրեն վերապահված լիազորություններն իրականացնում է խորհրդի աշխատանքների կազմակերպման, նիստեր գումարելու և սահմանված կարգով որոշումներ ընդունելու միջոցով, ինչպես նաև հաստատության կանոնադրությամբ սահմանված այլ ձևերով: 

Կառավարման մարմինների նիստերի օրակարգերը ձևավորվում են ըստ ուսումնական հաստատության գործունեության պարբերական գործողությունների /ամրագրված են նիստերի ժամանակացույցում/, անհրաժեշտության դեպքում կարող են գումարվել արտահերթ նիստեր, որոնց օրակարգերում ամրագրվում  և քննարկվում են անհրաժեշտ խնդիրները, հարցերը։

Բոլոր նիստերը սղագրվում են կառավարման մարմնի քարտուղարի կողմից  և արձանագրվում է նիստերի արձանագրությունների մատյանում։ Յուրաքանչյուր նիստի գումարումից 5 օր առաջ Խորհրդի անդամները պատշաճ ձևով ծանուցվում են նիստի  ժամանակի, վայրի և օրակարգի վերաբերյալ, նաև ուսումնական հաստատության տեսանելի վայրում փակցվում է  հայտարարություն։ Նիստերի որոշումները քննարկվում են կառավարման մարմիններում և դրվում են ի կատարման։

Յուրաքանչյուր որոշում կայացնելիս հաշվի են առնվում մարդկային, ֆինանսական և նյութատեխնիկական ռեսուրսների առկայությունը։