Շիրակի արհեստների և նորարարական տեխնոլոգիաների պետական քոլեջի միջազգային հավաստագրումը

Շիրակի արհեստների և նորարարական տեխնոլոգիաների պետական քոլեջն արձանագրել է նշանակալի ձեռքբերում՝ ապահովելով մասնագիտական կրթության միջազգային չափանիշներին համապատասխանությունը։

2026 թվականի փետրվարից քոլեջը ներգրավվել է Եվրոպական կրթական հիմնադրամի (ETF) աշխատանքային խմբերում և հաջողությամբ անցել ISATCOVE ինքնագնահատման գործընթացը։ Հիմնվելով գործընթացի արդյունքների, ներկայացված լավագույն փորձի և մինչև 2030 թվականի զարգացման պլանի վրա՝ Եվրոպական կրթական հիմնադրամի կողմից քոլեջին 2026թ. սեպտեմբերին շնորհվել է «Մասնագիտական կրթության գերազանցությանը նվիրվածության» վկայական (Certificate of Commitment to Vocational Excellence)։

Հաստատությունը ներառվել է նաև ETF-ի Մասնագիտական կրթության գերազանցություն ապահովող հավաստագրված հաստատությունների հանրային առցանց գրանցամատյանում https://openspace.etf.europa.eu/.../shirak-state-college..., ինչը կարևոր քայլ է քոլեջի միջազգային ճանաչելիության բարձրացման ուղղությամբ։

Այս հաջողությունը Հայաստանի մասնագիտական կրթության ոլորտում որակի շարունակական բարելավման և միջազգայնացման լավագույն գնահատականն է։

Քոլեջն իր խորին երախտագիտությունն է հայտնում միջազգային ու տեղական գործընկերներին, վարչական և դասախոսական կազմին, ծնողներին ու ուսանողներին՝ ակտիվ ներգրավվածության և համագործակցության համար։