Հոկտեմբերի 8-ին քոլեջում տիրում էր ջերմ ու շնորհակալական մթնոլորտ․ ուսանողները, դասախոսները և վարչական կազմը միասին նշեցին Ուսուցչի օրը՝ որպես գիտելիքի, նվիրումի և սրտացավության խորհրդանիշ։

Միջոցառման ընթացքում ուսանողները շնորհավորեցին իրենց դասախոսներին՝ արտահայտելով երախտագիտություն՝ կրթելու, ոգեշնչելու և ապագա մասնագետներ ձևավորելու համար։

Տոնական տրամադրությունը լրացրին երաժշտական և պարային կատարումները, ինչպես նաև ուսանողների կողմից պատրաստված անակնկալները։ Հնչեցին շնորհավորական խոսքեր, բանաստեղծություններ և երգեր, որոնք ընդգծեցին ուսուցչի դերը ոչ միայն կրթական, այլև մարդկային արժեքների փոխանցման գործում։

Հատուկ պահ էր այն, երբ դասախոսներին և վարպետներին հանձնվեցին պատվոգրեր՝ ի նշան գնահատանքի և նվիրումի։ Այս քայլը դարձավ հաստատության կողմից ուսուցիչների աշխատանքի արժևորումը և նրանց ներդրման ճանաչումը։

Ուսանողները շնորհավորեցին նաև իրենց դասընկեր Արման Եգանյանին՝ Սամբոյի աշխարհի խաղերում բրոնզե մեդալ նվաճելու առթիվ։

Միջոցառման ընթացքում նշվեցին նաև քոլեջի վերջին նվաճումները․ մասնագիտական ծրագրերի արդիականացում, միջազգային համագործակցություններ, ուսանողների հաջողություններ նորարարական նախագծերում։ Այս ամենը վկայում է, որ քոլեջը շարունակում է ամրապնդել իր դիրքը կրթական ոլորտում՝ դառնալով նորարարության և մասնագիտական վարպետության կենտրոն։