2026թ․ հոկտեմբերի 8-ին Շիրակի արհեստների և նորարարական տեխնոլոգիաների պետական քոլեջը արժանացավ Եվրոպական կրթական հիմնադրամի (ETF) «Մասնագիտական գերազանցությանը նվիրվածություն» կրծքանշանին։

Այս ճանաչումը կարևոր քայլ է մասնագիտական գերազանցության զարգացման, որակի ապահովման և միջազգայինացման ճանապարհին՝ ընդգծելով հաստատության հանձնառությունը շարունակական բարելավմանն ու կրթության որակի բարձրացմանը։

Ինքնագնահատման գործընթացում ներգրավված էին քոլեջի տնօրենը, տնօրենի տեղակալները և Որակի ապահովման կենտրոնի ղեկավարը։ Նրանք ակտիվորեն մասնակցեցին հաստատության գործունեության գնահատմանը, զարգացման կարիքների բացահայտմանը և գերազանցության ուղղությամբ քայլերի իրականացմանը։

Թիմի անդամները ստացան համապատասխան հավաստագրեր՝ ի նշան իրենց մասնակցության և մասնագիտական կրթության որակի բարելավմանն ուղղված հանձնառության։

Եվրոպական կրթական հիմնադրամի կողմից շնորհված այս կրծքանշանը ճանաչում է այն աշխատակիցների ջանքերը, ովքեր կարևորում են ինքնագնահատման գործընթացը և հետևողականորեն աշխատում իրենց հաստատության զարգացման ուղղությամբ։

Քոլեջի համար սա ոչ միայն իրականացված աշխատանքի գնահատական է, այլև նոր խթան՝ ամրապնդելու որակի ապահովման մշակույթը, զարգացնելու ինստիտուցիոնալ կարողությունները և շարունակելու միջազգային լավագույն փորձի ներդրումը։