Գյումրու թիվ 4 արհեստագործական պետական ուսումնարանում 2024թ․ մարտից գործում է «Գաղափարից բիզնես» սոցիալական ձեռնարկությունը, որը ձևավորվել է Սեքյող Կաթոլիք Կարիտաս Ֆրանսիայի և Կարիտաս Իսպանիայի կողմից ֆինանսավորվող «ԱՐԱՄԱԶԴ. ՍՏԶԶ» (Սոցիալական տնտեսության և զբաղվածության զարգացում) ծրագրի շրջանակներում Հայկական Կարիտաս բարեսիրական հասարակական կազմակերպության կողմից հայտարարված «Սոցիալական տնտեսության» զարգացման դրամաշնորհային ծրագրերին մասնակցության և տրամադրված թիվ 457/SEED/22/09/VET-03 դրամաշնորհի արդյունքում։

 Ծրագրի շահառուներն են Արցախից բռնի տեղահանված - 2, ուսանողներ և շրջանավարտ - 3, հաշմանդամ - 1, գործազուրկ -1 անձ։

Սոցիալական ձեռնարկության գործունեության նախապատրաստական փուլում  շահառուները սովորել են ասեղնագործություն, փայտի գեղարվեստական փորագրում, զարգացրել զարդերի պատրաստման կարողություն, մասնագիտական, ձեռնարկատիրական գործունեության, էսքիզավորման և դիզայներության վերաբերյալ պարբերաբար ստացել են խորհրդատվություն մասնագետների կողմից։ Հավաքագրվել և 3D մոդելավորում են սովորել 20 անձ, որից ձեռնարկությունում ընդգրկվել են լավագույն արդյունքներ ցուցաբերածները։

«Գաղափարից բիզնես» սոցիալական ձեռնարկությունն ունի իր գլխավոր սկզբունքները․

• Նպատակային ներառականություն 

Ստեղծել այնպիսի միջավայր, որտեղ բոլոր շահառուները անկախ ամեն հանգամանքից  ունեն նույն հնարավորությունները սովորելու, զարգանալու և ներդրում ունենալու համար։

• Նորարարություն և ստեղծարարություն, կանաչ տնտեսություն 

Արտադրական գործընթացում   ներմուծել նորարար լուծումներ՝ օրինակ՝ վերամշակված նյութերի օգտագործում, թափոնների նվազեցում, ձեռագործ արտադրանք, կամ տեխնոլոգիական հավելումներ` չվնասելով շրջակա միջավայրը։

Տեսանյութը կարող եք դիտել․․․