Գյումրու թիվ 4 արհեստագործական պետական ուսումնարանում անցկացվեց բաց դաս՝ «Երկրաչափությունն արվեստում և արհեստում» խորագրով։

Դասի նպատակն էր՝ ցույց տալ, որ երկրաչափությունը ոչ միայն տեսական գիտություն է, այլև ունի կիրառական նշանակություն տարբեր մասնագիտություններում։

Դասի ընթացքում ուսանողները ներկայացրին երկրաչափության կիրառությունը՝

Վարսահարդարություն՝ ճշգրիտ ձևեր և համաչափություն

Կաշեգործություն՝ նախշերի կառուցում և ձևարարական ճշգրիտ մոտեցումներ

Ոսկերչություն՝ մանրակրկիտ չափումներ և գեղեցկության ապահովում

Խոհարարություն՝ համաչափություն ու ձևերի ճշգրտություն

Արևային վահանակների տեղադրում՝ ֆոտովոլտային էներգետիկ կայանների արդյունավետության բարձրացում ճշգրիտ հաշվարկներով

Ուսանողները ցուցադրեցին սահիկաշարեր և լուծեցին պարզ հաշվարկային առաջադրանքներ, ինչը խթանեց նրանց ակտիվ մասնակցությունը և խորացրեց թեմայի ըմբռնումը։

Դասը առանձնացավ իր միջառարկայական մոտեցմամբ՝ ընդգծելով, որ երկրաչափությունն անտեսանելի, բայց հիմնարար ուժ է, որը ապահովում է ճշգրտություն, գեղեցկություն, համաչափություն և արդյունավետ աշխատանք։