Շիրակի արհեստների և նորարարական տեխնոլոգիաների պետական քոլեջում ուսումնական տարին մեկնարկեց տոնական տրամադրությամբ։

Տնօրեն Քնարիկ Ահարոնյանը ողջունեց ուսանողներին, ծնողներին և հյուրերին՝ մաղթելով բեղմնավոր աշխատանք, մասնագիտական նվաճումներ և գիտելիքներով լեցուն ուսումնական տարի։

Ցուցահանդեսում ներկայացված էին ուսանողների ձեռագործ աշխատանքները՝

• «Վերականգնվող էներգիայի էներգետիկ կայանների մոնտաժում, նորոգում և սպասարկում»
• «Գեղանկարչություն և քանդակագործություն»
• «Կաշվե իրերի արտադրության տեխնոլոգիա»
• «Ոսկերչություն»

«Խոհարարություն» մասնագիտության ուսանողները կազմակերպել էին հյուրասիրություն ներկաների համար։

«Ակնկալիքների ծառը» հնարավորություն տվեց ուսանողներին կիսվել իրենց ապագայի պատկերացումներով։

Ուսանողները հանդիսավոր կերպով ստացան իրենց ուսանողական տոմսերը, իսկ ծնողները ծանոթացան մասնագիտություններին։

Միջոցառումն ուղեկցվեց «Ընտանիք» ՄՊՍ կենտրոնի փողային նվագախմբի, պարարվեստի և դհոլի խմբակների սաների գեղեցիկ ելույթներով։

Օրվա առանձնահատուկ պահերից էր նաև «Ընտանիք» ՄՊՍ կենտրոնի կողմից կազմակերպված նկարչական ֆլեշմոբը, որը «Ընտանիք» ՄՊՍ կենտրոնի նոր սաների նորամուտը դարձրեց գույներով ավելի լեցուն։