ERASMUS+ REnForce միջազգային ծրագրի շրջանակում անցկացվեց ներքին վերապատրաստում, որը վարեց Վլադիմիր Բագրատունին։ Վերապատրաստման ընթացքում ներկայացվեց Լատվիայի մեծ հզորության արևային էներգետիկ կայանների ինժեներական և արդյունաբերական փորձը և դրա կիրառելիությունը Հայաստանի պայմաններում։ Քննարկվեցին 10 կՎտ հզորությամբ արևելք–արևմուտք տեղակայված ֆոտովոլտային կայանի սիմուլյացիոն մոդելը, ժամային, ամսական և տարեկան արտադրության վերլուծությունները (մոտ 9.2% տարբերությամբ), ինչպես նաև խոշոր կայանների տարածքային պահանջները։ Անդրադարձ կատարվեց կենտրոնացված ջեռուցման մոդելավորմանը, Գյումրու կլիմայական պայմաններում բնակելի թաղամասի էներգետիկ պահանջարկի հաշվարկին և բիոգազով (LNG) աշխատող գեներատորի կիրառման հնարավորություններին՝ ներկայացնելով գործնական հաշվարկներ և կիրառական լուծումներ։

Վերապատրաստման ավարտին ամփոփվեցին 4-օրյա սեմինարների արդյունքները, քննարկվեցին ձեռք բերված փորձը և դրա ներդրման հնարավորությունները ուսումնական գործընթացում։ Մասնակիցները ակտիվորեն արտահայտեցին իրենց կարծիքը սեմինարների բովանդակության, կազմակերպման և գործնական նշանակության վերաբերյալ՝ կարևորելով թեմաների արդիականությունը և կիրառական ուղղվածությունը։ Վարչական և դասախոսական անձնակազմը լրացրեց վերապատրաստումների գնահատման հարցաշար՝ ծրագրի արդյունավետությունը գնահատելու և հետագա բարելավման ուղղությունները հստակեցնելու նպատակով։