Գյումրու թիվ 4 արհեստագործական պետական ուսումնարանի Կարիերայի ուղղորդման կենտրոնի պատասխանատու Կիմա Ղարագյոզյանի նախաձեռնությամբ ուսումնարանի ուսանողական խորհուրդը մասնակցեց ՄԱԿ-ի Բնակչության հիմնադրամի, «Նաիրյան» վոկալ անսամբլի և «Երիտասարդական նախաձեռնությունների կենտրոն» ՀԿ-ի հետ համագործակցությամբ Տղամարդկանց միջազգային օրվա կապակցությամբ կազմակերպված «Հետ դեպի առաջ» միջոցառմանը։ Ներկայացումը միավորում էր թատրոնը և վոկալ արվեստը՝ բեմադրելով խորհրդանշական հանդիպում հայ նշանավոր մտավորականների ու գրողների հետ։

Բեմականացված երկխոսության մասնակիցներն էին՝ Զապել Եսայանը, Կատարինե Զալյան-Մանուկյանը, Պերճուհի Պարտիզպանյանը, Շուշանիկ Կուրղինյանը, ինչպես նաև Եսայանի որդի Հրանտը, Րաֆֆին և Գրիգոր Արծրունին։ Նրանց խոսակցությունները, որոնք ոգեշնչված էին Արծրունու լրագրողական էսսեներից և դասական հայ գրականությունից, անդրադառնում էին կանանց սոցիալական դերին, տղամարդկանց մասնակցությանը ընտանեկան կյանքում և ընտանեկան պարտականությունների հավասարակշռությանը։

Միջոցառմանը ներկա ուսանողները ներկայացման միջոցով խորացրեցին իրենց գիտելիքները գենդերային հավասարության և մարդու իրավունքների մասին։