Շիրակի արհեստների և նորարարական տեխնոլոգիաների պետական քոլեջում տիրում էր տոնական մթնոլորտ

Այսօր խորհրդանշական օր էր․ մեկնարկեց 2026-2027 ուսումնական տարին՝ նոր անվամբ, նոր ինքնությամբ և նոր նպատակներով։

Առաջին կուրսեցիներին, ովքեր սկսեցին իրենց մասնագիտական նոր ուղին, ջերմորեն ողջունեցին քոլեջի տնօրենությունը և դասախոսական կազմը։

Նրանք ներկայացրին ուսումնական հաստատության անցած ուղին, հաջողությունները և ապագա տեսլականը՝ ուսանողներին մաղթելով լինել գիտակ ու նպատակասլաց, դառնալ մրցունակ աշխատաշուկայում և ակտիվորեն մասնակցել ուսանողական նախաձեռնություններին։

Բոլորը մեծ ոգևորությամբ ողջունեցին նաև քոլեջի ՝ «Խոհարարական գործ» մասնագիտության երրորդ կուրսի ուսանող Էրիկ Սիմոնյանին, ով ծանրամարտի պատանիների Եվրոպայի առաջնությունում նվաճեց փոքր բրոնզե մեդալ։

Նրա հաղթանակը դարձավ հայրենիքի և քոլեջի փառքի նոր էջ։