«Առողջ ապրելակերպ» դասընթացի շրջանակներում, Գյումրու թիվ 4 արհեստագործական պետական ուսումնարանի «Վերականգնվող էներգիայի էներգետիկ կայանների մոնտաժում, նորոգում և սպասարկում» մասնագիտության երկրորդ կուրսի ուսանողների նախաձեռնությամբ անցկացվեց «Վնասակար սովորությունները և դրանց կանխարգելումը» թեմայով սեմինար–քննարկում։

Սեմինար - քննարկման նպատակն էր՝ ընդլայնել գիտելիքները «Առողջ ապրելակերպ» հասկացության վերաբերյալ, կարևորել առողջ ապրելակերպի դերը օրգանիզմի բնականոն կենսագործունեության համար, իրազեկել վնասակար սովորությունների հետևանքների և դրանց կանխարգելման մասին, ձևավորել բացասական վերաբերմունք թմրամիջոցների, ալկոհոլի, ծխախոտի և էներգետիկ խմիչքների նկատմամբ:

Ներկայացված տեղեկատվությունը ազդեցիկ էր, իսկ ՏՏ միջոցներով ցուցադրումները՝ տպավորիչ և ուսուցողական։

Սեմինարի ավարտին ներկաները կիսվեցին տպավորություններով, կատարեցին վերլուծություններ` գալով վերջնական եզրահանգման, որ վնասակար սովորությունները ոչ միայն վնասում են մարդու առողջությանը, այլև խոչընդոտում են նրա սոցիալական և հոգեբանական զարգացմանը, հասարակության մեջ լիարժեք ինտեգրմանը։

Վնասակար սովորություններից խուսափելը կարևոր է առողջ ապրելակերպի և ինքնակայացման համար։