Գյումրու թիվ 4 արհեստագործական պետական ուսումնարանի տնօրեն Ք. Ահարոնյանը և «Հայաստանի Գեղարվեստի պետական ակադեմիա» հիմնադրամի Գյումրու մասնաճյուղի տնօրեն Վ. Ղուկասյանը կնքեցին փոխըմբռնման հուշագիր՝ կրթական ոլորտում համագործակցության ամրապնդման վերաբերյալ։

Ուսումնարանի տնօրեն Քնարիկ Ահարոնյանը և կարիերայի ուղղորդման կենտրոնի պատասխանատու Կիմա Ղարագյոզյանը շրջայց կատարեցին, ծանոթացան մասնագիտական արհեստանոցներին և ակադեմիայում գործող Ֆաբլաբ Գյումրի թվային արտադրության լաբորատորիաներին։

Շրջայցի ընթացքում հանդիպում ունեցան նաև ուսումնարանի շրջանավարտներ՝ Հայկ Սարգսյանի և Արթուր Հարությունյանի հետ, ովքեր կրթությունը շարունակում են «Հայաստանի Գեղարվեստի պետական ակադեմիա» հիմնադրամի Գյումրու մասնաճյուղում։

• Համատեղ կրթական ծրագրերի մշակում և իրականացում
• Ուսանողների արտադրական պրակտիկայի ապահովում
• Սեմինարների, վարպետաց դասերի, ցուցահանդեսների կազմակերպում
• Ստեղծագործական նախագծերի իրականացում և ուսանողների ձեռագործ ու կիրառական արվեստի աշխատանքների հանրայնացում
• Համատեղ հետազոտական գործունեություն՝ մասնագիտական կրթության զարգացման ուղղությամբ
• Տեղական համայնքի հետ կապերի զարգացում՝ սոցիալական և մշակութային նախաձեռնությունների միջոցով