Փափուկ հմտությունների տիրապետումը՝ ձեռներեցության կայուն երաշխիք

Ս/թ մարտի 23-ին, Գյումրու թիվ 4 արհեստագործական պետական ուսումնարանում, տեղի ունեցավ Գերմանիայի միջազգային համագործակցության ընկերության (ԳՄՀԸ/GIZ) կողմից՝ Գերմանիայի տնտեսական համագործակցության և զարգացման դաշնային նախարարության (BMZ) պատվիրակմամբ՝«Action Against Hunger» կազմակերպության կողմից իրականացվող «Տեղահանված և տեղաբնակ խոցելի խմբերի տնտեսական և սոցիալական ներգրավվածությունը Հարավային Կովկասում» ծրագրի շրջանակներում կազմակերպված զբաղվածության ոլորտում կիրառվող նորարարական և ներառական «SHUTTLE» մեթոդաբանության չորսամսյա դասընթացների մասնակիցների վկայագրերի հանձնման արարողությունը:

Ուսումնական հաստատությունն իր հարկի տակ հյուրընկալեց Action Against Hunger կազմակերպության` սոցիալական ներառման ծրագրերի ղեկավար Լեյլա Մաիսուրաձեին, Action Against Hunger Հայաստանի գրասենյակի ղեկավար Գրիգորի Հովհաննիսյանին, ծրագրի պատասխանատու Հասմիկ Սիմոնյանին, GIZ -ի մոնիթորինգի և գնահատման մասնագետ՝ Ռուզաննա Բեժանյանին, Շիրակի մարզի ՄԿՈՒ ոլորտի տարբեր ուսումնական հաստատությունների ներկայացուցիչների և այլոց։

Գյումրու թիվ 4 արհեստագործական պետական ուսումնարանի տնօրեն Ք․Ահարոնյանի կողմից վկայագրեր հանձնվեցին ծրագրի դասընթացավարներ՝ կարիերային ուղղորդման կենտրոնի պատասխանատու Կ․Ղարագյոզյանին և դասախոս Ժ․Բարսեղյանին։ Վերջիններս խրախուսվեցին «SHUTTLE» դասընթացների ընթացքում ցուցաբերած բարձր կատարողականի, աջակցության և նվիրվածության համար։

Համագործակցային ծրագիրը դասընթացի մասնակից ուսանողների համար լայն հնարավորություններ ստեղծեց սահուն կերպով մուտք գործել աշխատաշուկա և ապահովել նրանց տնտեսական և սոցիալական ներգրավվածությունը։