«Մենք այստեղ ենք, որպեսզի մեր հետքը դնենք տիեզերքի վրա...»

Գյումրու թիվ 4 արհեստագործական պետական ուսումնարանի ուսանող Սամվել Պողոսյանը 2023 թվականի մարտի 13-ին մասնակցեց ՛՛Միասին՛՛ հիմնադրամի նախաձեռնությամբ կազմակերպված խոհարարության վարպետաց դասին։ Որպես խոհարարական հմտություններով, ստեղծագործական ինքնատիպությամբ և կամավոր դրսևորումներով օժտված ակտիվ ուսանող՝ վարպետաց դասի ժամանակ Սամվելը պատրաստեց բեզե՝ մանրամասն ներկայացնելով բեզեի պատրաստման տեխնոլոգիան, տեխնիկան։ Համային տարբեր լուծումներով անուշեղենի թխման գործընթացին մասնակցեցին Շիրակի տարածաշրջանային պետական քոլեջի խոհարար մասնագիտության ուսանողները։ Գործնական մթնոլորտն ապահովված էր, արդյունավետ համագործակցությունը՝ կայացած։

«Խոհանոցը արվեստ է, որտեղ պետք է ստեղծագործես: Միայն բաղադրատոմսի համաձայն համեղ չի ստացվի պատրաստումը, «տրամադրությունը, սերը և զգացմունքները» պիտի լինեն հավելյալ անուշահամ համեմունքները։ Կան կանոններ, որոնք պետք է իմանաս և պահպանես, մնացածը շրջանակից դուրս է, միայն երևակայություն»,-ասում է Ս․Պողոսյանը։