Գյումրու թիվ 4 արհեստագործական պետական ուսումնարանի Кարիերայի ուղղորդման կենտրոնի պատասխանատու Կիմա Ղարագյոզյանը և վարպետ դասախոս Հերմինե Մաղաքյանը մասնակցեցին Եվրասիա միջազգային համալսարանում անցկացված ուսուցողական աշխատարանին, որը նվիրված էր շրջանաձև տնտեսության թեմային։

Միջոցառումը կազմակերպվել էր Եվրոպական միության կողմից ֆինանսավորվող «CirculUP» ծրագրի աջակցությամբ «Ուղեցույց» հասարակական կազմակերպության նախաձեռնությամբ՝ «Կրթե՛նք և շրջանառե՛նք» ծրագրի շրջանակում

Աշխատարանի նպատակները.

- Խորացնել մասնակիցների գիտելիքները շրջանաձև տնտեսության սկզբունքների վերաբերյալ

- Զարգացնել մասնագիտական և համագործակցային հմտությունները

- Ներկայացնել նախագծային աշխատանքների կազմակերպման արդյունավետ մեթոդներ

Քննարկված թեմաներ.

- Շրջանաձև տնտեսության գաղափարների կիրառումը կրթական միջավայրում

- Նախագծային ուսուցման կազմակերպում՝ թիմային աշխատանքի և մասնագիտական զարգացման խթանմամբ

- Կրթական ծրագրերում կայունության և ռեսուրսների արդյունավետ օգտագործման կարևորությունը

Ուսումնարանի ներկայացուցիչները ակտիվորեն մասնակցեցին քննարկումներին՝ կիսվելով իրենց փորձով և դիտարկումներով։ Նրանց մասնակցությունը կարևոր քայլ էր ուսումնարանի կրթական ծրագրերի արդիականացման և միջազգային համագործակցության խորացման ուղղությամբ։

Այս աշխատարանը ոչ միայն հարթակ էր նոր գիտելիքների ձեռքբերման համար, այլև խթանեց մասնագիտական կապերի ձևավորումը՝ նպաստելով կրթության և շրջակա միջավայրի կայուն զարգացման համատեղ ջանքերին։