Գյումրու թիվ 4 արհեստագործական պետական ուսումնարանի ուսանողական խորհուրդն իրականացրեց միջոցառում՝ նվիրված Կամավորների միջազգային օրվան։

Ուսանողները ներկայացրին կամավորության արժեքը՝ ընդգծելով, որ այն ոչ միայն օգնում է հասարակությանը, այլև զարգացնում է երիտասարդի հմտությունները և պատասխանատվության զգացումը, տալիս է որոշակի աշխատանքային փորձ։

Օրվա կապակցությամբ «Խոհարարական գործ» և «Վերականգնվող էներգիայի էներգետիկ կայանների մոնտաժում, նորոգում և սպասարկում» մասնագիտությունների 14 ուսանող, կատարած կամավորական աշխատանքի համար, պարգևատրվեց պատվոգրերով։ 

Այս միջոցառումը ոգեշնչեց մյուս ուսանողներին ևս ներգրավվել նման նախաձեռնություններում։