Դեկտեմբերի 11-ից Գյումրու թիվ 4 արհեստագործական պետական ուսումնարանի դասախոսներ Ս. Ավետիսյանը և Կ. Ղարագյոզյանը «ԱՅ-ԷՖ-Ի-ԷՍ»-ի կողմից իրականացվող «Աջակցություն ժողովրդավարության կայացմանը Հայաստանում» (ԱԺԿՀ) ծրագրի շրջանակում կազմակերպել են «Ներգրավված քաղաքացի» խորագրով քաղաքացիական կրթության ինտերակտիվ սեմինար-դասընթացները։

Սեմինարներն անցկացվում են շաբաթական երկու անգամ։

Դասընթացի ընթացքում քննարկվել են հետևյալ թեմաները․

• Դասընթացի փիլիսոփայությունը
• Ժողովրդավարական կառավարման փիլիսոփայական հիմքերը․ ի՞նչ է ժողովրդավարությունը
• Քաղաքական ծաղրանկարների վերլուծություն
• Ժողովրդավարության սկզբունքները
• Ազատական (լիբերալ) ժողովրդավարության սկզբունքները
• Մեդիագրագիտության զարգացում
• Մեդիագրագիտության վերաբերյալ գործնական աշխատանք․ հայացք ներսից
• Ի՞նչ են մարդու իրավունքները
• Մարդու իրավունքների դասակարգումը՝ ըստ բովանդակության
• Մարդու իրավունքների սահմանումը
• Մարդու իրավունքների վերաբերյալ միջազգային կոնվենցիաներ և պայմանագրեր
• Մարդու իրավունքների կարգավիճակը Հայաստանում
• Սահմանադրականությունն ու ժողովրդավարությունը Հայաստանում
• Ժողովրդավարությանը սպառնացող վտանգները
• Ժողովրդավարության մեխանիզմները Հայաստանում

Դասընթացի նպատակն է՝ խթանել ուսանողների ակտիվ քաղաքացիական մասնակցությունը, զարգացնել քննադատական մտածողությունը և խորացնել ժողովրդավարական արժեքների գիտակցումը։

Սեմինարները կազմակերպվում են ինտերակտիվ մեթոդներով՝ խմբային քննարկումներ, գործնական առաջադրանքներ և դեպքերի վերլուծություն։

Մասնակիցները հնարավորություն ունեն արտահայտելու իրենց կարծիքը, ձևավորելու հիմնավորված դիրքորոշում և ձեռք բերելու քաղաքացիական պատասխանատվության հմտություններ։

Ծրագրի շրջանակում կարևոր տեղ է հատկացվում նաև թիմային աշխատանքի, հաղորդակցման մշակույթի և հանրային բանավեճի կարողությունների զարգացմանը։