ՀԱՆԴԻՊՈՒՄ ՈՃԱԲԱՆ-ՎԱՐՍԱՀԱՐԴԱՐ ԱՐՏԱԿ  ՄԵԼԻՔՅԱՆԻ ՀԵՏ
2024թ. ապրիլի 23-ին Կարիերայի ուղղորդման կենտրոնի պատասխանատու Կիմա Ղարագյոզյանը և վարպետ Լիանա Հովհաննիսյանը  «Վարսավիրական արվեստ և զարդային դիմահարդարում» մասնագիտությամբ I, II և III կուրսերի ուսանողների համար կազմակերպել էին շրջայց «ԱՐՏ» գեղեցկության սրահում:
Այցի ընթացքում ուսանողները ծանոթացան  «ԱՐՏ» գեղեցկության սրահի տնօրեն, ոճաբան-վարսահարդար Արտակ Մելիքյանի հետ, լսեցին նրա անցած ստեղծագործական գործունեության, մասնագիտական վերելքների  մասին։  Նրանք Մելիքյանին բազմաբնույթ հարցեր ուղղեցին աշխատանքի ընդունվելու, գործատուի պահանջների, մասնագիտական անհրաժեշտ որակների, վարսահարդարման ոլորտում ոճաբանության, մոդայի թելադրանքի վերաբերյալ: Ոճաբանը մասնագիտական խորհուրդներ տվեց  ուսանողներին՝ աշխատաշուկա մուտք գործելու վերաբերյալ:
Ուսանողները տպավորված էին: