Գյումրու թիվ 4 արհեստագործական պետական ուսումնարանի հավաքական թիմը ներկայացավ «Կոռուպցիա. Shift+Delete» ծրագրի շրջանակներում իրականացվող կարողությունների զարգացման երկօրյա վերապատրաստման դասընթացին:

2023 թվականի փետրվարի 25-ին Գյումրու թիվ 4 արհեստագործական պետական ուսումնարանի հավաքական թիմը, «Բոլորը հանուն հավասար իրավունքների» հիմնադրամի կողմից ստանալով վերապատրաստումների և բանավեճի մրցաշարերին մասնակցելու հրավեր, ներկայացավ «Կոռուպցիա. Shift+Delete» ծրագրի շրջանակներում իրականացվող կարողությունների զարգացման երկօրյա վերապատրաստման դասընթացին:

Մեկնարկեց ծրագրի առաջին փուլը, որը հնարավորություն ընձեռեց ուսանողների` կոռուպցիայի վերաբերյալ իրազեկվածության բարձրացմանը, ինչպես նաև կոռուպցիայի ճանաչմանը, բացահայտմանը և հակակոռուպցիոն մեխանիզմների կիրառմանը, նպաստեց փաստերի ստուգման, մարդու իրավունքների իմացության, քննադատական մտածողության, համայնքային կառավարմանը մասնակցություն ունենալու գիտելիքների աճին և կարողությունների զարգացմանը: Սովորողների թիմը գլխավորում էին ուսումնարանի բնագիտամաթեմատիկական հանձնախմբի նախագահ, մենթոր-դասախոս Ռ.Պետրոսյանը և կարիերայի ուղղորդման կենտրոնի պատասխանատու Կ.Ղարագյոզյանը:

Ուսմասվար` Ա.Մարգարյան