Գյումրու թիվ 4 արհեստագործական ուսումնարանում կենսաբանություն առարկայից «Կաշվե իրերի արտադրության տեխնոլոգիա» մասնագիտության առաջին կուրսում անցկացվեց գործնական դաս՝ «Կլոնավորումը որպես 20-րդ դարի նվաճում» թեմայով։

Ուսանողները երեք խմբերով ներկայացրին բույսերի, կենդանիների և մարդու կլոնավորման առանձնահատկությունները՝ պատրաստած ռեֆերատների, սահիկաշարերի և պաստառների միջոցով։ Դասի ընթացքում քննարկվեցին կլոնավորման գիտական նշանակությունը, կիրառությունները և բարոյական կողմերը։

Գործնական դասը նպաստեց ուսանողների գիտելիքների խորացմանը, հետազոտական մտածողության և թիմային աշխատանքի զարգացմանը։