Գարունը այնքա՛ն ծաղիկ է վառել,
Գարունը այնպե՛ս պայծառ է կրկին.․․
Գարնան շնչով, գարնան գույներով էր ողողված Գյումրու թիվ 4 արհեստագործական պետական ուսումնարանը: Առիթը գարնանային գեղեցիկ տոնն էր` Կանանց միջազգային օրը:
Ուսանողական խորհրդի նախաձեռնությամբ կազմակերպվել էր տոնին նվիրված «Շնորհավոր Մարտի 8» խորագիրը կրող միջոցառում: Միջոցառման ընթացքում ուսանողներն իրենց սրտաբուխ խոսքով շնորհավորեցին կին մանկավարժներին և աշխատակիցներին` ցանկանալով նրանց առողջություն, անձնական երջանկություն, աշխատանքային նորանոր հաջողություններ: Բոլորի համար հաճելի ու տպավորիչ անակնկալ էր մասնակիցների պատրաստած տեսահոլովակը` ողողված ուսանողների և շրջանավարտների շնորհակալական ու երախտագիտության ջերմ խոսքերով: 
Իսկ միջոցառման ավարտին ուսումնարանի տնօրեն Քնարիկ Ահարոնյանը շնորհավորեց բոլոր կանանց ու աղջիկներին, շնորհակալություն հայտնեց կազմակերպիչներին` ընդգծելով, որ նման նախաձեռնությունները ոչ միայն գեղեցիկ ավանդույթ են դառնում, այլև ամրապնդում են ուսումնարանի ջերմ ու միասնական միջավայրը: