2026թ․ մարտի 13-ին և 23-ին Գյումրու թիվ 4 արհեստագործական պետական ուսումնարանը Ֆրանկոֆոնիայի օրերի շրջանակներում հյուրընկալեց «ԿԱԶԱ» հիմնադրամից Աննա Ունուպօղլյանին և «Խաղաղության Էկրաններ / Écrans de la Paix» ֆրանսիական կինոասոցացիայի ներկայացուցիչ Քլեր Շալուին (Claire Chalus) ։

Վերջինս ուսանողների համար ներկայացրեց «Հրեշտակի ուղեգիծը» վավերագրական ֆիլմը։

Ֆիլմի դիտումից հետո ուսանողները մասնակցեցին հետաքրքիր քննարկման․ նրանք կիսվեցին իրենց մտքերով ու զգացողություններով՝ անդրադառնալով մարդկային կամքի ուժին, տոկունությանը և անսահման հնարավորություններին։

Քննարկումը ևս մեկ անգամ հաստատեց այն կարևոր ճշմարտությունը, որ կյանքի դժվարությունները հաղթահարելով, չընկճվելով և հաստատակամորեն առաջ շարժվելով է, որ մարդը հասնում է իր նպատակներին ու վայելում հաջողության պտուղները։

Այս հանդիպումը դարձավ ոչ միայն մշակութային փորձի փոխանակման հարթակ, այլև ոգեշնչման աղբյուր՝ ուսանողների համար բացելով նոր տեսանկյուններ կյանքի մարտահրավերների և հաղթանակների մասին։