Էրազմուս+ REnForce «Վերականգնվող էներգիայի ոլորտում աշխատուժի ներուժի հզորացում» ծրագրի շրջանակում Շիրակի արհեստների և նորարարական տեխնոլոգիաների պետական քոլեջը ձեռք է բերել CNS-111 Tabletop Solar Power Generation Trainer ժամանակակից ուսումնական սարքը։ Սարքը նախատեսված է արևային ֆոտովոլտային համակարգերի աշխատանքի ուսումնասիրման և գործնական ուսուցման համար։ Այն հնարավորություն է տալիս ուսանողներին ուսումնասիրել արևային վահանակների աշխատանքը, չափել լարումը, հոսանքը և հզորությունը, ինչպես նաև ծանոթանալ մարտկոցի, ինվերտորի, կարգավորիչի և տարբեր էլեկտրական բեռների աշխատանքին։

Սարքավորման միջոցով ուսանողները գործնական փորձերի արդյունքում ավելի լավ են պատկերացնում արևային էներգիայի արտադրության, կուտակման և օգտագործման գործընթացները։ Նոր սարքավորումը կարևոր ներդրում է վերականգնվող էներգիայի ոլորտում ուսանողների գործնական հմտությունների զարգացման և աշխատաշուկայի պահանջներին համապատասխան մասնագետների պատրաստման գործում։