2023թ. հունիսի 2-ին, 3-ին և 4-ին Գյումրու թիվ 4 արհեստագործական պետական ուսումնարանի «Խոհարար» որակավորմամբ ուսանող Ահարոն Մելիքյանը մասնակցեց EventToura ընկերության, Մասնագիտական կրթության և ուսուցման զարգացման ազգային կենտրոնի, WorldSkills Armenia-ի, Երևանի Քաղաքապետարանի և GIZ-ի աջակցությամբ անցկացված «Հայաստանի Երիտասարդ-ուսանող խոհարարի մրցույթ 2023»-ին։
Մրցույթի ժամանակ լրջախոհ և զգոն Ահարոնն աչքի ընկավ իր մասնագիտական հմտություններով՝ խոհարարական հմուտ տեխնիկայով, մասնագիտական բարձր կատարողականությամբ, արագ կողմնորոշվելու հմտություններով, ժամանակի ճիշտ կառավարման կարողություններով,սանիտարա-հիգիենիկ նորմերի պահպանմամբ և այլ որակներով։ ՀՀ մարզերի ՄԿՈՒ ոլորտի միակ ներկայացուցիչը Ահարոն Մելիքյանն էր, ով զբաղեցրեց պատվավոր երրորդ տեղ։
Միջոցառմանը ներկա էին ՀՀ ԿԳՄՍ նախարարության նախնական մասնագիտական (արհեստագործական) և միջին մասնագիտական կրթության վարչության պետ Արմենուհի Պողոսյանը, ՄԿՈՒԶԱԿ-ի տնօրեն Տաթևիկ Գասպարյանը, Հայաստանի խոհարարների ասոցիացիայի հիմնադիր-նախագահ Արբի Ղարախանին, միջազգային մրցավարները, մրցույթի մասնակից ուսանողները, ուսումնական հաստատությունների ներկայացուցիչները և այլ հյուրեր:
Մրցույթի ընթացքում կորոշվեն նաև Worldskills Armenia մրցույթի եզրափակիչ ազգային փուլի մասնակիցները, որի հաղթողը կմասնակցի 2024թ. Ֆրանսիայի Լիոն քաղաքում կայանալիք WorldSkills International 47-րդ մրցույթին՝ ներկայացնելով Հայաստանի ազգային թիմը: 
Կընտրվի նաև 2024թ. հունվարին Հնդկաստանում անցկացվելիք Young Chef Olympiad մրցույթի մասնակիցը: