Նախաձեռնությունն իրականացվել է Եվրոպական միության և Գերմանիայի Դաշնային Հանրապետության տնտեսական համագործակցության և զարգացման նախարարության ֆինանսական աջակցությամբ իրականացվող «ԵՄ-ն հանուն Հայաստանի համայնքներում էներգաարդյունավետության և վերականգնվող էներգիայի» ծրագրի շրջանակում, որն իրականացվում է Գերմանական միջազգային համագործակցության ընկերության (GIZ) կողմից՝ որպես «ԷԿՈսերվ Հայաստան» ծրագրի մաս: Ծրագրի նպատակն էր ապահովել համայնքներին և տնային տնտեսություններին էներգաարդյունավետության և կայուն էներգիայի հնարավորությունների ավելի լավ հասանելիությամբ՝ նպաստելով գյուղական բնակչության էներգետիկ անվտանգության բարելավմանը և բնական պաշարների պահպանությանը:
Միջոցառման ընթացքում, որպես ծրագրի համագործակցող կառույց ներկայացվեց նաև Գյումրու թիվ 4 արհեստագործական պետական ուսումնարանը։ Ծրագրի շրջանակներում ուսումնարանի «Վերականգնվող էներգիայի էներգետիկ կայանների մոնտաժում, նորոգում և սպասարկում» մասնագիտության ուսանողները հոկտեմբեր-նոյեմբեր ամիսներին մասնակցել են պրակտիկաների և կատարել ֆոտովոլտային և ջերմային կայանների տեղակայում։ 
Միջոցառման մասնակցությամբ ուսանողները․ 
• մեկ անգամ ևս կարևորեցին բնության, էկոլոգիայի և կլիմայի պահպանությունը, համայնքների և բնակիչների համար կանաչ էներգիայի ապահովումը
• հանդիպում ունեցան ոլորտի գործատուների հետ, քննարկեցին մասնագիտության արդիականությունը, զարգացման հեռանկարները։