Գյումրու թիվ 4 արհեստագործական պետական ուսումնարանը ոչ միայն ապահովում է մասնագիտական կրթություն, այլև կարևորում է էկոդաստիարակության և բնապահպանական գիտակցության ձևավորումը ուսանողների շրջանում։

Այսօր ուսումնարանը հյուրընկալել էր «Բիոսոֆիա» առողջապահության, բնապահպանության և գյուղատնտեսության զարգացման կենտրոն ՀԿ-ի նախագահ, փորձագետ Գևորգ Պետրոսյանին, ով վարեց «Բնապահպանության հիմունքներ և գլոբալ բնապահպանական հիմնախնդիրներ» թեմայով սեմինար պարապմունք։

Նա ներկայացրեց բնապահպանությունը, որպես գիտություն, որը ուսումնասիրում է մարդու և շրջակա միջավայրի փոխհարաբերությունները։ Այն նպատակ ունի ապահովել բնական ռեսուրսների պահպանություն, կայուն օգտագործում և էկոլոգիական հավասարակշռության պահպանում։

Էկոդաստիարակությունը ուսումնարանում դիտվում է որպես արժեհամակարգի ձևավորման կարևորագույն մաս, որը համադրում է մասնագիտական կրթությունը բնապահպանական արժեքների հետ․

• Բնապահպանության հիմունքները և գլոբալ խնդիրները փոխկապակցված են։
• Յուրաքանչյուր երկրի և յուրաքանչյուր քաղաքացու պատասխանատվությունն է նպաստել շրջակա միջավայրի պահպանությանը։
• Կայուն ապագան հնարավոր է միայն համատեղ ջանքերով՝ կրթության, գիտության և հասարակական մասնակցության միջոցով։