ԲԱՆԱՍՏԵՂԾՈՒԹՅԱՆ ԵՎ ՀՈՒՅԶԻ ԱՇԽԱՐՀՈՒՄ

Գյումրու թիվ 4 արհեստագործական պետական ուսումնարանի ուսանողների մասնակցությամբ անցկացվեց բաց դաս-ցերեկույթ' «Բանաստեղծության և հույզի աշխարհում» խորագրով՝ նվիրված Վ․ Տերյանի ծննդյան 140 ամյակին։

Ուսանողները ֆիլմի միջոցով ներկայացրին Տերյանի կենսագրությունը, նշելով, որ Տերյանի երևումով մեր գրականության մեջ նոր էջ բացվեց, և 1908 թվականին լույս տեսած «Մթնշաղի անուրջներ»-ը ևս մեկ անգամ հաստատեց, որ սիմվոլիզմի վարպետ Տերյանը գրականություն բերեց մարդկային հոգուն հարազատ զգացմունքներ, թախիծ, կարոտ՝ որպես խորհրդանիշ ընտրելով աշնան, մշուշի, անձրևի սիմվոլիկ պատկերները։

Հեղինակի գոհարներն ընթերցվեցին համահունչ երաժշտության և տեսանյութերի ուղեկցությամբ, ինչը մթնոլորտն ավելի ջերմ ու տերյանական դարձրեց։

Վահան Տերյանի դիմանկարը նկարել է «Ոսկերչություն» մասնագիտության երրորդ կուրսի ուսանող Արթուր Հարությունյանը, իսկ տերյանական երգերի QR կոդերը պատրաստել են «Համակարգիչների շահագործում» մասնագիտության ուսանողները։