Գյումրու թիվ 4 արհեստագործական պետական ուսումնարանի «Վերականգնվող էներգիայի էներգետիկ կայանների մոնտաժում, նորոգում և սպասարկում» մասնագիտության 1-ին կուրսում տեղի ունեցավ «Կյանքը՝ որպես էլեկտրաէներգիայի աղբյուր» խորագրով բաց դասը։

Դասի նպատակն էր ուսանողներին ծանոթացնել առօրյա կյանքում էլեկտրաէներգիա ստանալու նորարարական մեթոդներին՝ ներկայացնելով, թե ինչպես կարելի է էներգիա արտադրել մարդու շարժումից, քայլելու ընթացքում առաջացող մեխանիկական շփումից, ինչպես նաև տրանսպորտային միջոցների շարժումից և թրթռումից։

Դասի ընթացքում ուսանողները ներկայացրին էներգիայի պահպանման և վերափոխման գործընթացները, ցուցադրեցին փոքրածավալ մոդելներ և փորձարարական լուծումներ, գնահատեցին առաջարկվող մեթոդների արդյունավետությունը, քննարկեցին դրանց կիրառման հնարավորությունները փոքր էներգահամակարգերի նախագծման և տեղական էներգամատակարարման ոլորտում։

Բաց դասը խթանեց ուսանողների հետաքրքրությունը վերականգնվող էներգետիկայի նկատմամբ, զարգացրեց նրանց հետազոտական, վերլուծական և նախագծային հմտությունները՝ միաժամանակ ձևավորելով պատասխանատու վերաբերմունք շրջակա միջավայրի պահպանման հարցում։