Գյումրու թիվ 4 արհեստագործական պետական ուսումնարանի I կուրսի ուսանողները ներկայացրեցին կաշվի պատմական ու մշակութային կիրառությունը հայկական տարազում՝ գոտիներից ու կոշիկներից մինչև պայուսակներ, զարդեր ու ժիլետներ։

Դասի ընթացքում սահիկաշարի միջոցով ցուցադրվեցին հայկական տարազի ավանդական և ժամանակակից նմուշներ, տեսանյութ ազգային տարազի էքսպոզիցիայից, իսկ ուսանողները ներկայացրեցին իրենց ձեռքով պատրաստած աշխատանքները՝ կաշվի ու տարբեր նյութերի համադրություններով և ստեղծագործական լուծումներով։

Ներկայացվեցին նաև ժամանակակից նորաձևության տների փորձերը՝ Արևիկ Սիմոնյան, Արամ Նիկոլյան, Աննա Հովհաննիսյան, Տերյան մշակույթի տուն, որոնք նորովի են մեկնաբանում ավանդական տարազի ոգին։

Քայլելով ժամանակի հետ զուգընթաց չպետք է մոռանալ ազգայինը և ավանդականը։