Գյումրու թիվ 4 արհեստագործական պետական ուսումնարանում անցկացվեց բաց դաս՝ «Հյուսքերի արվեստը և դրանց դերը վարսավիրական մշակույթում» խորագրով։

Դասի նպատակն էր ձևավորել գեղագիտական ճաշակ և գեղեցիկը գնահատելու կարողություն, ինչպես նաև հարստացնել սովորողների մասնագիտական գիտելիքները և զարգացնել մասնագիտական հմտությունները։

Դասի ընթացքում սովորողները ծանոթացան տարբեր ազգերում կիրառվող հյուսքերի առանձնահատկություններին, և գործնականորեն ցուցադրեցին տարբեր հյուսքերի կատարման տեխնիկաները։

Բաց դասի ընթացքում ներկայացվեց նաև հայկական հյուսքերի տեսակները, դերը պարարվեստում։ Սովորողները ցույց տվեցին, թե ինչպես են հյուսքերը կարևոր տեղ զբաղեցնում ազգային տարազի և բեմական կերպարի ձևավորման մեջ։ Դասը դարձավ ավելի հետաքրքիր և բովանդակալից, երբ բեմադրվեց հայկական «Ուզունդարա» պարը, որը գեղեցիկ կերպով ներկայացրեց ազգային մշակույթի և արվեստի ներդաշնակությունը։

Միջոցառումը նպաստեց սովորողների ստեղծագործական մտածողության, ինքնուրույն աշխատելու և հետազոտական կարողությունների զարգացմանը՝ ամրապնդելով նրանց հետաքրքրությունը միջազգային և ազգային արվեստի ու մշակույթի նկատմամբ։