Գյումրու թիվ 4 արհեստագործական պետական ուսումնարանում անցկացվեց բաց դաս «Հանրահաշիվը կաշեգործի արհեստանոցում» թեմայով՝ «Կաշվե իրերի արտադրության տեխնոլոգիա» մասնագիտության 1-ին կուրսի ուսանողների մասնակցությամբ։

Դասի նպատակն էր ցույց տալ, թե ինչպես է հանրահաշիվը կիրառվում կաշեգործության ոլորտում՝ ապահովելով տեսական գիտելիքների և գործնական աշխատանքի սերտ կապը։

Ուսանողները հիշեցին և կիրառեցին հանրահաշվի հիմնական տարրերը՝

հավասարումներ, արտահայտություններ, տոկոսներ, ֆունկցիաներ։

Նրանք լուծեցին խնդիրներ, որոնք կապված էին կաշվի քանակի, արժեքի և ծախսերի հաշվարկների հետ, ինչպես նաև վերլուծեցին արտադրական իրավիճակներ՝ հիմնվելով մաթեմատիկական մոտեցումների վրա։

Բաց դասը նպաստեց ուսանողների ստեղծագործական և տրամաբանական մտածողության զարգացմանը, խթանեց մասնագիտական հետաքրքրությունը և ձևավորեց ձեռնարկատիրական մտածելակերպ։ Տեսական գիտելիքները անմիջապես կիրառվեցին գործնականում, ինչը բարձրացրեց ուսանողների ներգրավվածությունն ու հետաքրքրվածությունը։