Այց «Թումո» կենտրոն

Նոյեմբերի 8-ին Գյումրու թիվ 4 արհեստագործական պետական ուսումնարանի կարիերայի ուղղորդման կենտրոնի պատասխանատու Կիմա Ղարագյոզյանը ուսանողների համար կազմակերպեց այցելություն «Թումո» կենտրոն: Այս այցի ընթացքում ուսանողները մասնակցեցին շենքում կազմակերպված շրջայցին, ծանոթացան կենտրոնի գործունեությանը և տեղեկատվություն ստացան գործող թվով 14 կրթական ծրագրերի մասին։
«Թումո» կենտրոնը հայտնի է կրթության ոլորտում իր նորարարական մոտեցումներով, որի շնորհիվ երիտասարդներին տրամադրվում են տեխնոլոգիական և ստեղծագործական կարողությունների զարգացման մեծ հնարավորություններ, ինչպիսիք են ծրագրավորումը, դիզայնը, անիմացիան, 3D մոդելավորումը և այլ ուղղություններ: