Այց «Նոր լույս» հասարակական կազմակերպություն

Նոյեմբերի 25-ին Գյումրու թիվ 4 արհեստագործական պետական ուսումնարանի կարիերայի ուղղորդման կենտրոնի պատասխանատու Կիմա Ղարագյոզյանի ղեկավարությամբ ուսանողների մի խումբ այցելեց «Նոր լույս» հասարակական կազմակերպություն։ Անցկացվեց հետաքրքիր հանդիպում, որի ընթացքում ուսանողները ծանոթացան կազմակերպության գործունեությանը և ներգրավվեցին «Անձի ինքնաբացահայտում» թեմայով քննարկմանը։ Ուսանողները բացահայտեցին անձնական ինքնությունը հասկանալու, դիմացինի հետ արդյունավետ ու բաց կապեր հաստատելու, ինչպես նաև սեփական հմտություններն ու հնարավորությունները բացահայտելու ունակությունների զարգացման կարևորությունը։