Դեկտեմբերի 9-ին Գյումրու թիվ 4 արհեստագործական պետական ուսումնարանում տեղի ունեցավ կարևոր և կրթական նորարարական միջոցառում։ Ուսումնարանի հրավերով Synopsys Armenia ընկերության R&D Engineering, ավագ ինժեներ Արուսյակ Գևորգյանը անցկացրեց սեմինար դասախոսների համար՝ «Արհեստական բանականության գործիքների կիրառումը դասավանդման մեթոդիկայում» թեմայով։
Սեմինարի ընթացքում ներկայացվեցին
• Արհեստական բանականության (AI) գործիքների դերը ժամանակակից կրթական գործընթացում,
• AI-ի կիրառումը որպես ուսանողների հետ աշխատանքի արդյունավետության բարձրացման եղանակ,
• AI-ի գործիքներ և հարթակներ, որոնք կարող են աջակցել դասավանդման պլանավորման, ուսանողների գնահատման և ուսումնական նյութերի ստեղծման գործընթացին:
Սեմինարը հնարավորություն ընձեռեց ուսումնարանի դասախոսներին ծանոթանալ ժամանակակից տեխնոլոգիաներին և դրանք ապագայում ներդնել իրենց դասավանդման մեջ:
Շնորհակալություն Արուսյակ Գևորգյանին այս կարևոր սեմինարի համար։