2022 թվականի դեկտեմբերի 26-ին՝ Գյումրու թիվ 4 արհեստագործական պետական ուսումնարանի և «Ընտանիք» ՄՊՍԿ նախաձեռնությամբ, անցկացվեց «Ամանորյա դիմակահանդես» միջոցառումը։ Կառուցվածքով և բովանդակությամբ յուրօրինակ միջոցառումը, որն անցավ ուրախ և ջերմ մթնոլորտում՝ կազմակերպվել էր ուսանողական խորհրդի ջանքերով։ Օրը տոնական էր և բանական մտքով առլեցուն․ տրամաբանական, հետաքրքիր և զվարճալի խաղերը, մրցույթներն առավել աշխույժ դարձրեցին դիմակահանդեսը, իսկ սահմանված մրցանակները ոգևորեցին մասնակիցներին։   Միջոցառման ժամանակ հնչեցին փոխադարձ շնորհավորանքներ,  դահլիճում գտնվող զվարճասեր դեռահասների օգնությամբ գրվեց  խաղաղությունն ավետող  հեռագիրը՝ ուղղված Ձմեռ Պապիկին։