2024 թվականի դեկտեմբերի 4-ին Գյումրու թիվ 4 արհեստագործական պետական ուսումնարանի կենսաբանության դասախոսներ Զ. Նահապետյանը և Ք․ Մարկոսյանը առաջին կուրսերի ուսանողների համար անցկացրեցին «ՄԻԱՎ/ՁԻԱՀ –ը մարդկության չարիք» թեմայով տեղեկատվական դաս՝ նվիրված ՄԻԱՎ/ՁԻԱՀ-ի դեմ պայքարի միջազգային օրվան։ Տեղեկատվական դասի նպատակն էր ուսանողներին ծանոթացնել ՄԻԱՎ/ՁԻԱՀ-ի հարուցիչի տարածման պատճառներին և փոխանցման ուղիներին, արժևորել կանխարգելման գործընթացը և խուսափել հիվանդությունից՝ կարևորելով առողջության պահպանումը: 
Մեջբերելով Հիպոկրատի խոսքերը նշվեց. «Ավելի հեշտ է հիվանդությունը կանխարգելել, քան բուժել», իսկ կանխարգելման համար կարևոր է լինել տեղեկացված։
Դասն ուսանելի դարձնելու նպատակով օգտագործվեց թեմային համապատասխան սահիկաշար, «Վարակի ուղիներ» վերնագրով քարտեր և հայտորոշիչ թեստեր:
Մասնակից ուսանողները ակտիվորեն փոխանակվում էին սեփական կարծիքներով և վերլուծություններով։ 
Բոլորի մոտ վերջնական տեսակետն այն էր, որ ՄԻԱՎ-ով վարակումից խուսափելու համար ցանկացած իրավիճակում անհրաժեշտ է դրսևորել պատասխանատու վերաբերմունք ինչպես սեփական անձի, այնպես էլ շրջապատի նկատմամբ՝ գնահատելով տեղեկացված լինելն ու առողջ ապրելակերպի սկզբունքներին հավատարիմ մնալը: 
Կազմակերպիչներ՝ Զ. Նահապետյան, Ք․ Մարկոսյան