Գյումրու թիվ 4 արհեստագործական ուսումնարանում «Հայտնի ֆրանսիացիներ» խորագրով ֆրանկոֆոնիայի շաբաթվա առաջին օրը նվիրված էր ֆրանսիական գրականության մեծագույն դեմքերից մեկին՝ Վիկտոր Հյուգոյին։

Հայոց լեզվի և գրականության դասախոսներ Հասմիկ Արսենյանը և Նելլի Սևոյանը ներկայացրեցին Վիկտոր Հյուգոյի կյանքն ու ստեղծագործությունները։

Զեկուցողները անդրադարձան նրա հանրահայտ գործերին, իմաստուն մտքերին, հասարակական գործունեությանը՝ ընդգծելով հեղինակի կարևոր դերը համաշխարհային գրականության մեջ։

Զեկույցը ուղեկցվեց հետաքրքիր փաստերով և քննարկումներով, որոնք նպաստեցին ֆրանսիական գրականության նկատմամբ հետաքրքրության բարձրացմանը և ֆրանսիական մշակույթի արժևորմանը։