2024թ. դեկտեմբերի 6-ին՝ ժամը 12:00-ին, Գյումրու թիվ 4 արհեստագործական պետական ուսումնարանում, հարգանքի տուրք մատուցելով 1988 թվականի Սպիտակի երկրաշարժի զոհերի հիշատակին, զինղեկ Ա. Գևորգյանի նախաձեռնությամբ, իրականացվեց տարհանման գործընթաց։
Միջոցառման նպատակն էր ստուգել երկրաշարժի ժամանակ ուսանողների, դասախոսական և սպասարկող անձնակազմի պատրաստվածությունը, տեսական և գործնական գիտելիքների կիրառումը ստեղծված արտակարգ իրավիճակում և կատարելագործել տարհանման կազմակերպման կարողությունները։ 
Ըստ ուսումնական հաստատության Քաղաքացիական պաշտպանության պլանի ուսանողների և ուսումնարանի աշխատակիցների համար պարբերաբար անցկացվում են ուսուցողական դասընթացներ՝ արտակարգ իրավիճակներում ճիշտ կողմնորոշվելու, գրագետ ու կազմակերպված վարքագիծ դրսևորելու, աղետներին դիմակայելու վերաբերյալ։
Ուսանողների, դասախոսական և սպասարկող անձնակազմի, ուսումնարանի պահեստային տարհանման ուղղությունների և ելքերի, ինչպես նաև հակահրդեհային սարքավորումների տեղադրման վայրերի վերաբերյալ իրազեկվածությունը, հնարավորություն տվեցին ճիշտ կողմնորոշվել, գրագետ կատարել բոլոր հրահանգները և ժամանակին տարհանվել՝ հստակ պատկերացնելով շինությունից դուրս գալու հերթականությունն և տարհանման ուղիները:
Կազմակերպիչ՝ Ա․ Գևորգյան