Ուսումնարանում գործում են երեք մեթոդական միավորումներ՝ բնագիտամաթեմատիկական, հումանիտար և մասնագիտական։ Բոլոր մեթոդմիավորումներում` աշխատանքային պլանի համաձայն  անցկացվում են նիստեր, դասալսումներ, առարկայական դրվածքների ուսումնասիրումներ, կրթադաստիարակչական բազմաբնույթ զրույցներ, բաց դասեր, միջոցառումներ, բարձրաձայնվում խնդիրներ, ներքին վերապատրաստումներ, որոնք քննարկվում են ուսումնարանի մանկավարժական խորհրդի, անհրաժեշտության դեպքում նաև կառավարման խորհրդի   նիստերում։

Մեթոդական միավորումներում քննարկված որոշակի հարցերի լուծում ստանալու նպատակով բարձրաձայնվում, քննարկվում և ընդունվում են որոշումներ մանկավարժական խորհրդի նիստում։

Մեթոդմիավորումների աշխատանքային պլաններում նախատեսված գործողությունների համար սահմանված են պատասխանատուներ և ժամկետներ: Մեթոդական միավորումների տարեկան պլանները բաշխված են ըստ ամիսների: 

ՄՈՒՀ-ի մեթոդական միավորումները  յուրաքանչյուր տարի ներկայացնում են վերլուծական հաշվետվություն, որը քննարկվում է մանկավարժական  խորհրդի նիստում: Քննարկման արդյունքում գնահատվում է առանձին մեթոդմավորումների գործունեությունը, արձանագրվում են ձեռք բերված հաջողությունները՝ միաժամանակ նշելով աշխատանքներում տեղ գտած թերացումներն ու բացթողումները, որոնց հիման վրա մշակվում են հանձնարարականներ՝ ուղղված ՄՈՒՀ-ի գործունեության բարելավմանը։