Մեր մասին

ՀՀ ԿԳՄՍՆ «Գյումրու թիվ 4 արհեստագործական պետական ուսումնարան» պետական ոչ առևտրային կազմակերպությունը հիմնադրվել է 2009թ., գրանցվել ՀՀ իրավաբանական անձանց պետական ռեգիստրի Գյումրու տարածքային բաժնի կողմից 14.07.2009թ., գրանցման՝ թիվ 29.210.02439, վկայական` 03 Ա 084223:

Հաստատության կանոնադրությունը հաստատվել է ՀՀ ԿԳ նախարարի 06․07․2009թ․N 593-Ա/Ք հրամանով։ 

Ուսումնական հաստատությունը իրականացնում է նախնական մասնագիտական հիմնական կրթական ծրագիր` միջնակարգ կրթության հիմքով և նախնական մասնագիտական կրթական ծրագիր՝ հիմնական կրթության հիմքով՝ միջնակարգ կրթության երրորդ աստիճանի կրթական ծրագրի հետ համատեղ։

Ուսումնարանում ընդունելությունը կատարվում է` համաձայն ընդունելության սահմանված կարգի:

Ուսուցումը կազմակերպվում է առկա ձևով, ուսումնական գործընթացը կարգավորվում է ուսումնական պլաններով, առարկայական ծրագրերով, ժամանակացույցով և դասացուցակներով:
Ուսումնական գործընթացն իրականացվում է՝ համակցելով բազմաբնույթ ժամանակակից ուսումնական մեթոդներ:

Ուսումնարանն իր գործունեությունն իրականացնում է` համագործակցելով բարձրագույն, միջին, մասնագիտական ուսումնական հաստատությունների, գիտահետազոտական և արտադրական կազմակերպությունների հետ: Ուսումնարանի դասախոսները պարբերաբար վերապատրաստվում են՝ իրենց մասնագիտական գիտելիքների ու հմտությունների կատարելագործման նպատակով։ Վարպետ-դասախոսներից մի քանիսը մասնակցել են նաև մասնագիտական ՊԿՉ-ների մշակման և վերանայման գործընթացներին, ստեղծել են ուսումնական ձեռնարկներ, որոնք օգտագործվում են հանրապետության ՄԿՈւ հաստատություններում:

Ուսումնարանն ավարտելուց հետո ուսանողներին տրվում է համապատասխան որակավորմամբ պետական նմուշի ավարտական փաստաթուղթ՝ դիպլոմ: Բարձր առաջադիմություն և ակտիվություն ցուցաբերած ուսանողների համար սահմանվում են նյութական և բարոյական խրախուսման ձևեր, իսկ լավագույն ուսանողներին տրամադրվում է աջակցություն՝ աշխատանքի տեղավորման հարցում:

Ուսումնարանում իրականացվում են ԱՀՈՒ տարբեր ձևեր: 

ՀՀ ԿԳ նախարարի 2018 թ. հոկտեմբերի 29-ի N 1468—Ա/2 հրամանի համաձայն, Գերմանիայի միջազգային համագործակցության ընկերության /GIZ/ աջակցությամբ, ուսումնարանում  հիմնական կրթության հիմքով «Խոհարարական գործ» մասնագիտությամբ ներդրվել է երկակի /դուալ/ ուսուցման համակարգ։

ԿԳՄՍ նախարարի  07.07.2021թ. թիվ 1069-Ա/2 հրամանի համաձայն ուսումնարանում փորձարարական կարգով ներդրվել է «Վերականգնվող էներգիայի էներգետիկ կայանների մոնտաժում, նորոգում և սպասարկում» մասնագիտության պետական կրթական չափորոշիչը։  

ԿԳՄՍ նախարարի   14․09․2023 թ. թիվ 1835-Ա/2 հրամանի համաձայն ուսումնարանում փորձարարական կարգով ներդրվել է «Կահույքի արտադրության տեխնոլոգիա» մասնագիտության պետական կրթական չափորոշիչը։

Վերոնշյալ մասնագիտություններն ուսումնարանում ուսուցանվում են հիմնական կրթության հիմքով՝ 3 տարի տևողությամբ։

Ուսումնական հաստատությունն իր գործունեությունը ծավալում է ըստ ռազմավարական ծրագրի, ոլորտը կարգավորող օենքների և իրավական նորմատիվ ակտերի։ Իրականացված աշխատանքները գնահատվում են պարբերաբար  մշտադիտարկումների, կատարողականների և հաշվետվությունների միջոցով։ 2019-2020թթ. ուսումնական տարվանից սկսած ուսումնարանում կատարվում է ներքին գնահատում, որտեղ արտացոլվում են ուսումնադաստիարակչական աշխատանքները, շենքային պայմանները, նյութատեխնիկական հագեցվածությունը, ուսանողական և ծնողական խորհուրդների, կարիերայի ուղղորդման կենտրոնի աշխատանքները, վերլուծությունները, առաջարկները։ 

2024թվականի ապրիլի 27-ին  տեղի ունեցած նիստում ՈԱԱԿ հավատարմագրման հանձնաժողովի որոշմամբ՝ Գյումրու թիվ 4 պետական արհեստագործական պետական ուսումնարանին շնորհվել է ինստիտուցիոնալ հավատարմագրում՝ 4 տարի ժամկետով:  

Ուսումնարանի գործունեության նպատակներն են՝

• պատրաստել նախնական մասնագիտական (արհեստագործական) որակավորմամբ արհեստավորներ՝ տարբեր ոլորտների համար` պետական կրթական չափորոշիչներին համապատասխան
• ձևավորել ազգային և համամարդկային արժեքների ոգով դաստիարակված անձ
• բավարարել անհատի մասնագիտական կրթության, նրա հոգևոր ու ֆիզիկական զարգացման պահանջմունքները
• իրականացնել նախնական մասնագիտական (արհեստագործական) և հանրակրթական ծրագրեր (հիմնական և լրացուցիչ):

Ուսումնական գործունեության կազմակերպումը

Ուսումնարանում ընդունելությունը կատարվում է համապատասխան սահմանված ընդունելության կարգի:
Ուսուցումը կազմակերպվում է առկա ձևով, ուսումնական գործընթացը կարգավորվում է ուսումնական պլաններով, առարկայական ծրագրերով, ժամանակացույցով և դասացուցակներով:
Ուսումնական պարապմունքներն իրականացվում են՝ համակցելով բազմաբնույթ ժամանակակից ուսումնական մեթոդներ:
Ուսումնարանն իր գործունեությունն իրականացնում է` համագործակցելով համապատասխան բարձրագույն, միջին, մասնագիտական ուսումնական հաստատությունների, գիտահետազոտական և արտադրական կազմակերպությունների հետ: Ուսումնարանի դասախոսները պարբերաբար վերապատրաստվում են՝ իրենց մասնագիտական գիտելիքների ու հմտությունների կատարելագործման նպատակով: 
Անվճար հիմունքներով սովորող բոլոր ուսանողները ստանում են պետական կրթաթոշակ: Ուսումնարանն ավարտելուց հետո ուսանողներին տրվում է միջնակարգ /լրիվ/ կրթության վկայական և պետական դիպլոմ` համապատասխան որակավորմամբ: Բարձր առաջադիմություն և ակտիվություն ցուցաբերած ուսանողների համար սահմանվում են նյութական և բարոյական խրախուսման ձևեր, իսկ լավագույն ուսանողներին տրամադրվում է աջակցություն աշխատանքի տեղավորման հարցում: