«ՍԿԻԶԲ ԴԵՊԻ ՀԱՋՈՂՈՒԹՅՈՒՆ»

Դեկտեմբերի 2 ին Գյումրու թիվ 4 արհեստագործական պետական ուսումնարի ուսանողական խորհուրդը կազմակերպել էր միջոցառում, որը կրում էր «Սկիզբ դեպի հաջողություն» խորագիրը։ Միջոցառման ընթացքում ուսանողները ներկայացան իրենց գեղեցիկ խոսքով, երգով, պարով և ասմունքով։ Տնօրեն տիկին Ահարոնյանը ողջունեց 1 ին կուրսեցիներին և հանձնեց ուսանողական տոմսերը ցանկանալով հաջողություններ ուսման մեջ, իսկ ուսման և սպորտի մեջ հաջողություններ գրանցած, ուսանողական խորհրդի և ուսանողական ընկերությունների աշխատանքներում ակտիվ ուսանողների արժանացրեց գնահատանքի և պարգևատրեց պատվոգրերով։
Խոհրդանշական էր խոնարհման պահը 44-օրյա պատերազմում զոհված ուսանողներին՝ խոստանալով պատվով և արարելով ապրել նրանց չապրած տարիները։ Ուսանողական խորհուրդը ներկայացրեց նաև վերջին տարիներին ուսումնարանի ձեռք բերած հաջողությունները, որոնք պարտավորեցնող են։ Նրանք խոստացան արժանավայել շարունակել բարի ավանդույթները և սկիզբ դնել նոր նվաճումների։