Ավարտին են մոտենում Շիրակի արհեստների և նորարարական տեխնոլոգիաների պետական քոլեջի տարածքում գտնվող նորակառույց էկոկացարանի մաքրման և նախապատրաստման աշխատանքները։

Քոլեջի ուսանողական խորհուրդն ակտիվորեն մասնակցեց այս գործընթացին՝ ցույց տալով նախաձեռնողականություն, պատասխանատվություն և համատեղ աշխատանքի ուժը։

Էկոկացարանը նախատեսված է Արցախից տեղահանված և հեռավոր գյուղական համայնքներում բնակվող այն ուսանողների համար, ովքեր ունեն կեցության խնդիր։ Դա հնարավորություն է առանց խոչընդոտների շարունակել կրթությունը։

Այս նախաձեռնությունը ևս մեկ քայլ է դեպի ուսանողակենտրոն միջավայրի ստեղծում, որտեղ կրթությունը դառնում է հասանելի և հարմարավետ բոլորի համար։