ՀՀ կառավարության 2023 թվականի սեպտեմբերի 14-ի N 1593-Ն որոշմամբ հաստատված՝ նախնական մասնագիտական (արհեստագործական) և միջին մասնագիտական պետական ուսումնական հաստատության տնօրենի ընտրության կարգի 4-րդ կետի համաձայն՝ ՀՀ ԿԳՄՍՆ «Գյումրու թիվ 4 արհեստագործական պետական ուսումնարան» ՊՈԱԿ-ի կառավարման խորհուրդը հայտարարում է մրցույթ՝ հաստատության տնօրենի պաշտոնի թափուր տեղն զբաղեցնելու համար:

Հաստատության տնօրենի պաշտոնի համար անցկացվող մրցույթին մասնակցելու պարտադիր պայմաններն են՝

1) ՀՀ քաղաքացիությունը.

2) ուսումնական հաստատության ղեկավարման իրավունքը (հավաստագիր):

Մրցույթին մասնակցելու համար պահանջվող փաստաթղթերն են՝

1) դիմում` կառավարման խորհրդի նախագահի անունով,

2) անձը հաստատող փաստաթղթի պատճենը,

3) հաստատության ղեկավարման իրավունքի (հավաստագրի) պատճենը,

4) տվյալ հաստատության 5 տարվա զարգացման ծրագիրը թղթային և էլեկտրոնային տարբերակներով` սույն կարգի 26-րդ կետի պահանջներին համապատասխան,

5)հրապարակած հոդվածների ցանկը կամ գիտական կոչումը հաստատող փաստաթուղթը (առկայության դեպքում),

6) ինքնակենսագրություն:

Փաստաթղթերի պատճենները խորհրդի նախագահին կամ քարտուղարին առձեռն ներկայացնելու դեպքում պետք է ներկայացնել բնօրինակների հետ:

Փաստաթղթերն ընդունվում են «Գյումրու թիվ 4 արհեստագործական պետական ուսումնարան» ՊՈԱԿ-ում, 2026 թվականի հունիսի 18-ից մինչև հուլիսի 8-ը ներառյալ, ամեն օր՝ ժամը 10:00-ից մինչև ժամը 17:00-ն, բացի հանգստյան (շաբաթ, կիրակի) և օրենքով սահմանված ոչ աշխատանքային` տոնական և հիշատակի օրերից:

Մրցույթը տեղի կունենա 2026 թ. հուլիսի 17-ին՝ ժամը 14:00-ին, «Գյումրու թիվ 4 արհեստագործական պետական ուսումնարան» ՊՈԱԿ-ում, հասցեն՝ ՀՀ Շիրակի մարզ, քաղաք Գյումրի, Անի թաղամաս 5/2:

Տեղեկությունների համար դիմել «Գյումրու թիվ 4 արհեստագործական պետական ուսումնարան» ՊՈԱԿ, հասցեն՝ ՀՀ Շիրակի մարզ, քաղաք Գյումրի, Անի թաղամաս 5/2

կամ զանգահարել (0312) 6 64 07, 093 33 54 33 հեռախոսահամարներով,

էլ. հասցե՝ info@gyumriusumnaran4.am: sscit2009@gmail.com: