Միջոցառուման պատասխանատուն ու  բանախոսն էր ուսումնարանի մաթեմատիկայի ուսուցիչ Ռոստամ Պետրոսյանը, ով հետաքրքիր ու պատկերավոր եղանակով  ներկայացրեց «Մաթեմատիկան ամենուրեք» խորագրով բազմաշերտ տեղեկատվությունը։ Բանախոսությունը համեմվեց  տեսանյութերի դիտումով՝ «Մաթեմատիկան և աշխարհը», «π թվի երաժշտությունը»,  «Ֆիլդսի մրցանակակիր ՝ Մարիամ Միրզախան»,  «Սերգեյ Մերգելյան» թեմաներով:
Զեկույցի սկզբում ներկայացվեց Մաթեմատիկայի միջազգային օրվա ընտրության հիմնավորումը, նշվեց մաթեմատիկական գիտությունների դերը սոցիալական և համամոլորակային խնդիրների ընկալման մեջ: 
Առանձնակի ուշադրություն դարձվեց մաթեմատիկայի զարգացման գործընթացում հայ անվանի մաթեմատիկոսների ունեցած դերին:
Միջոցառման ավարտին ուսանողներն հնարավորություն ունեցան կիսվել ստացած թարմ տպավորություններով, կարևորեցին մաթեմատիկայի դերը մարդու տրամաբանական մտածողության, վերլուծելու և եզրակացնելու կարողությունների գործում։ 
Ուսանողները հետաքրքիր տեղեկություններով համալրեցին ամբողջ տարվա ստացած գիտելիքների պաշարը։