Բաց դասի նպատակն էր զարգացնել ուսանողների ինքնուրույն հետազոտական աշխատանքներ կատարելու ունակությունը, ձևավորել գեղագիտական ճաշակ, սերմանել գեղեցիկը գնահատելու և մասնագիտության մեջ կատարելագործվելու ձգտում։
Թեմատիկ սահիկաշարի ցուցադրմանը զուգահեռ՝ ուսանողները ներկայացրին ժամանակակից կտրվածքների տեսակները(կարճ, միջին և երկար մազերի համար) և վերջիններիս դերը կերպարի ձևավորման, ինչպես նաև բնավորության ճիշտ ներկայացման հարցում: Չէ՞ որ տարբեր երկարության մոդելավորված սանրվածքները շատ հաճախ բացահայտում են մարդու բնավորության գաղտնիքները…Խոսուն նկարներով և բովանդակալից տեսանյութերով հագեցած սահիկաշարը վկայությունն էր սովորողների մասնագիտական հետաքրքրությունների շրջանակը ընդլայնելու նպատակամետ ձգտման:
Մասնագիտական քննարկումը հասավ իր տրամաբանական ավարտին, երբ ուսանողներից հնարամիտը բաց դասն ամփոփեց Գլյուկի թևավոր խոսքով.«…գեղեցկություն, պարզություն, ճշմարտություն»…սա է էականը և կատարելին/ըստ ուսանողների ընդհանրացված կարծիքի/։
Գովելի էր այն փաստը, որ ուսանողները կարողացել էին ինքնուրույն փնտրել, խմբագրել տեղեկատվությունը, պատրաստել սահիկաշար և պատշաճ ձևով ներկայացնել այն:
Դասավանդող՝ Ա.Ղանդիլյան