Ի ՍԿԶԲԱՆԵ ՋՈՒՐ ԷՐ…

ՋՈՒՐԸ՝ ՌԱԶՄԱՎԱՐԱԿԱՆ ՌԵՍՈՒՐՍ

Գյումրու թիվ 4 արհեստագործական պետական ուսումնարանի առաջին կուրսերի մասնակցությամբ «Մաքուր Հայաստան» խորագրի տակ անցկացվեց «Ի սկզբանե ջուր էր…Ջուրը ռազմավարական ռեսուրս» թեմայով բաց դասը:

Մասնակիցները սահիկաշարի օգնությամբ անդրադարձան ջրի, թերևս, ամենահանելուկային հատկությանը՝ տեղեկատվությունն իր մեջ պահելու և կուտակելու, մարդուն վերադարձնելու կարողությանը՝ հիշելու ընդունակությանը: Ուսանողները պարզաբանեցին ջրի բյուրեղների կառուցվածքը՝ կախված ջրին հաղորդած դրական կամ բացասական էներգիայից:

Ներկայացվեցին ջրի հանդեպ հայ ժողովրդի՝ դարերի խորքից բխող պաշտանմունքի հասնող վերաբերմունքը և օրհնանքի նման հնչող թևավոր խոսքերը:

Խոսվեց նաև ջրի՝ որպես ռազմավարական ռեսուրսի կարևորության մասին: Ուսանողներն անրադարձան ջրի պահպանությանը՝ արժևորելով այդ գործում յուրաքանչյուրիս թեկուզ ամենափոքր ներդրումը: