«ՀԱՅ-ՖՐԱՆՍԻԱԿԱՆ ՀԱՐԱԲԵՐՈՒԹՅՈՒՆ։ ՈՒԺԵՂ ԿԱՊԵՐ, ԿԱՅՈՒՆ ՀԱՄԱԳՈՐԾԱԿՑՈՒԹՅՈՒՆ․․․»

ՖՐԱՆԿՈՖՈՆԻԱՅԻ ՕՐԵՐ

31․03․2025թ.

Գյումրու թիվ 4 արհեստագործական պետական ուսումնարանում անցկացվեց «Հայ-ֆրանսիական հարաբերություն։ Ուժեղ կապեր, կայուն համագործակցություն․․․» խորագրով միջոցառում։

Այն սկսվեց սեմինար պարապմունքով, որը վարեց Կազա հիմնադրամի «Ֆրանկոֆոնիայի խթանումը Հայաստանում» ծրագրի պատասխանատու Աննա Ունուպօղլյանը։

Նա մանրամասն ներկայացրեց ֆրանկոֆոնիայի միջազգային կազմակերպության ստեղծման պատմությունը, առաքելությունը և Հայաստանի համար Ֆրանկոֆոնիայի միջազգային կազմակերպության անդամ լինելու քաղաքական, տնտեսական, առողջապահական, ռազմական, կրթական և մշակութային բաղադրիչները, համագործակցության ոլորտները, ներկայիս և ապագա ծրագրերը։

Հայաստանի և հայ երիտասարդների մասին իրենց տպավորությունները կիսեցին ֆրանսիացի կամավորներ՝ Ալբան Կերիսիտ և Մորգան Դեռուսսոն։

Միջոցառումը եզրափակվեց համերգային ծրագրով՝ Գյումրու Կարա-Մուրզայի անվան պետական երաժշտական քոլեջի և «Ընտանիք» կենտրոնի սաների մասնակցությամբ։