Միջոցառմանը ներկա էին ուսումնարանի ժամկետային ծառայության մեջ գտնվող զինծառայողների ծնողներ, ինչպես նաև ծառայությունն ավարտած ուսանողներ, մանկավարժներ, ուսանողներ, «Ընտանիք» ՄՊՍ կենտրոնի սաներ:
Նվագախումբը ներկայացավ հայ և արտասահմանյան կոմպոզիտորների ստեղծագործություններով: Հնչեցին ժողովրդական պարեղանակներ՝ ազգային նվագարանների համադրմամբ, իսկ ծրագրում ընդգրկված ռազմահայրենասիրական ստեղծագործությունները ոգևորությամբ ընդունվեցին  հանդիսատեսի կողմից: 
Միջոցառման հանդիսավոր մասում տնօրեն Քնարիկ Ահարոնյանը կարևորեց կայազորի հետ համագործակցությունը, որի շրջանակներն տարեցտարի ընդլայնվում են. ՆԶՊ և անվտանգ կենսագործունեություն առարկայի գործնական պարապմունքների անցկացում սպայական կազմի կողմից, ռազմադաշտային պարապմունքներին ուսանողների ընդգրկում և այլն:
Ուսումնարանի հետ սերտ համագործակցության և ուսանողների ռազմահայրենասիրական դաստիարակության գործում ունեցած ավանդի համար տնօրինության կողմից շնորհակալագրեր շնորհվեցին կայազորի փոխգնդապետ Մասիս Հովսեփյանին և նվագախմբի պետ Դավիթ Հարությունյանին: Իսկ զինծառայողների  ծնողներին, ի նշան երախտագիտության,  նվիրվեցին ծաղիկներ:  
Հարկ է նշել նաև, որ 2018 թվականի ապրիլին Գյումրիում անցկացված «Վերածնունդ» փառատոնին Շիրակի կայազորի նվագախումբն արժանացել է «Գրան պրի» մրցանակի, որից հետո անդրանիկ ելույթը կայացավ Գյումրու թիվ 4 արհեստագործական պետական ուսումնարանում: