Գյումրու թիվ 4 արհեստագործական պետական ուսումնարանում Ֆրանկոֆոնիայի օրերի շրջանակում անցկացվեց թեմատիկ զեկույց՝ «Կաշեգործության բնագավառում համաշխարհային ճանաչում ունեցող ֆրանսիացիները՝ Թիերի Հերմես և Լուի Վիտտոն» խորագրով։

Ուսանողները ծանոթացան ֆրանսիական կաշեգործության պատմությանը և երկու լեգենդար վարպետների գործունեությանը։

Թիերի Հերմեսը սկսել է որպես թամբագործ, իսկ Լուի Վիտտոնը հեղափոխություն է կատարել ճամպրուկների արտադրության մեջ։

Հենց նրանց փոքր արհեստանոցներից են ծնվել այսօրվա Hermès և Louis Vuitton շքեղության խորհրդանիշները։

Զեկույցը համադրում էր ավանդույթն ու նորարարությունը և մեծ հետաքրքրություն առաջացրեց ուսանողների մոտ։ Միջոցառման ավարտին տեղի ունեցավ քննարկում։

Ֆրանսիական վարպետության օրինակները ոգեշնչող են ապագա մասնագետների համար։